عجیبه عد عمامی اطباع من افکر بیهه فکری ایدوخ
وناگت عزت الماضین عد اهل الکرامه اتنوخ
السبع معلوم ایخلف اسباع و طبیعی الشیخ ایخلف اشیوخ
(هه الشیخ امخلف و اشیوخ اولاده)
احترامک زيده لليسوه و ضيفه
و واجب هاي و احسبها و ظيفه
تعنه الي تعنالک و ضيفه
ال يضيفک و اگصد ال يگصد خويّه
ضيف الّي يضيفک دوم واتعنی ال تعنالک
و موش اتشيل کلمن طاح شيل ال من طحت شالک
بالک من کلام الشين من حچي الغبر بالک
چم واحد راح امن السانه
لا تحچي حچي ال مو زين اذا ما تحچي بالزينه
اسکت خرس ميگولون بس لا تحچي بالشينه
تدري اشگالت العگّال ال يهين الوادم اتهينه
و ال ما يفرد محد عافه
فشگ دورگ هلي معروف من ايثور اله مطگه
و صيح اوياي الف حيّاک للتفاگ و التفگه
ال دنّگ بس سلم منها من ايصوّب الفشگه
و ال ما دنّگ شگّت راسه
لظلوع النشامه المحن خوان
وحط بالک زمانک حيل خوان
اشکثر ماهم عندک کون خوان
المهم عندک ربع للموزمیه
***
ربعي ابيوم دار اوياي وکتي و مالت احمولي
فزعو رخصولي ارواح و اول ماصحت يولي
گلت محتاجکم ربعي ؛ ربعي ابطيب گلولي
متکتر و یونس شال عندک یرعا تتکتر
یونس شال یل تسمع الک لو حشمت یحضر
اذا عندک عذر معذور ارجع لون ماتگدر
(ماتگدر زم عن الحومه)
طب ابساحت المیدان اعضاک الهوسه شدتهه
مادام اغرگت یاخوی طب اسحگ ابچفتهه
الماتشهد ابیومه الماو هلی طبگو ابصفحتهه
(و الما یفزع مافزعوله)
ابن یعرب سبع من گال العدوهم لملم و وصی
بس لاتگول ماثارت تفگتی و ماگعد شنصی
طلعو وین ماتردون ابتفگ تردون لو عصی
(و البی همه ایبین روحا)
الاقربون ابکلشی اولا الله گایل و النبی
و های معناهه عضیدک یسوا ملیون اجنبی
البدل اعضیده ابغریب مثل فلاح الغبی
(بدل برحیه ابغیبانی)
گلت للگال انته امنین و سئل من یا عمام انته
حچیت اربع خمس چلمات اکثر عیب جابلته
من گلی هلک یاهم انه ابفخر جاوبته
(هه الدورگ اهلی و عصابت راسی)
يعيد ابلا عضيد الإيد عضبه او يعني محنيّه
السکراني گايل هيچ فاضل بالأبوذيه
**
يعيد إبلا عضيد الإيد عضبه
الأخو چف الأخو البي لمع عضبه
دظل صبع الندم کالوکت عضبه
يل شيليت اخوک او گطع فيّه
**
ظل صبع الندم عضبي اخيّک لو گطع فيّه
فاضل گايلهه ابوذيته
*****
العنده اخوان ما يحتار اشکثر ما تثگل احموله
او لون صوبه تهد الگوم فشکلهه او لعب يوله
بس العايف اخوانه اسمعه احچايه مگيوله
هه. . . اليفرد وحده ايصيبونه
الشاعر حسن الجنامي
يعيد ابلا عضيد الإيد عضبه او يعني محنيّه
السکراني گايل هيچ فاضل بالأبوذيه
**
يعيد إبلا عضيد الإيد عضبه
الأخو چف الأخو البي لمع عضبه
دظل صبع الندم کالوکت عضبه
يل شيليت اخوک او گطع فيّه
**
ظل صبع الندم عضبي اخيّک لو گطع فيّه
فاضل گايلهه ابوذيته
*****
العنده اخوان ما يحتار اشکثر ما تثگل احموله
او لون صوبه تهد الگوم فشکلهه او لعب يوله
بس العايف اخوانه اسمعه احچايه مگيوله
هه. . . اليفرد وحده ايصيبونه
الشاعر حسن الجنامي
اهلا و سهلا بکم فی مدونتی انه ابن الفلاحیه من اهالی قریه اوشار من توابع هذی المدینه.ارجوا ان تشارکو فی هذی المدونه/ارسلو مقترحاتکم /شکرا